شاهد: “دم رخيص” .. قصيدة جديدة لعبد الله الشريف
بث الفنان المصري عبد الله الشريف قصيدة جديدة بالعامية المصرية على صحفته “الشاب أشرف” على موقع “يوتيوب” تحت عنوان ” دم رخيص” قال فيها:
جارنا دكتور اسمه أكمل
في وش بيتنا فتح له معمل
وضبه وخلاه حكاية
تقولش بيجهز عريس
جاله شاب في يوم خميس
شكله مهموم وتعيس
قاله يا دكتور عايز أحلل
شوفلي دمي ليه رخيص !
وما جه الدكتور يعلل
خدله حقنه ويحلل
قاله دمك فيه صفايح
والصدا سارح مكمل
والكرات باين في أزمة
دم فاضي مفوش بلازما
لو نحب نعبي منه نعبي منه في كيس مخلل
أنت يا بني ملكش سعر
بيحبسوك بمقال وشعر
يعلقوك زي البهايم
لحد ما خدودك تنمل
يا مواطن درجة تانية
عسكري يقدر في ثانية
يخلي سيرتك ذكرى فانية
خلاص كده ولا نكمل
قاله طيب والعمل ؟!
هوا يعني مفيش أمل
كل خيبة الناس بتمشي
وخيبتي أنا بتسوق جمل
قاله لو هتبات تلالي
أنصحك غير في دمك
شوف فصيلة تمنها غالي
دم العساكر ينفعك
درجة أولى وكعب عالي
ولو لقيتها مقفلة
عليك بدم يكون إيطالي !